السبت، ٨ سبتمبر ٢٠٠٧

رئيك فى هجمات 11 سبتمبر

بعد ايام قليله سوف تحل علينا الذكرى السنويه لهجمات 11 سبتمبر
و كثر الجدل حول الموضوع ده
بس انا تانى عاوز اعرف رئيك فيها هل هى
ارهاب
مقاومه
غباء
اسرائيل اللى فعلتها
طبعا انا اول واحد هقول راى فيها
انا من راى انها كانت غباء
طيب مش تنزعل استنى بس و شوف وجهة نظرى و بعدين ابئه اعترض
اولا بعد الهجمات دى تعالوا نشوف احنا كسبنا ايه و خسرنا ايه ؟
كسبنا انهيار برجين ؟
خسرنا ايه بئه ؟
اولا خسرنا سمعه الاسلام و اللى الان فى الغرب اصبح دين ارهاب و اكدوا ان الاسلام انتشر بالسيف
ثانيا خسرنا افغانستان و بعدها العراق
ثالثا اهلنا و شعبنا العربى اتبهدل فى الغرب
كل دى مبررات انى اقول انه غباء
و ده طبعا مش يتفهم انى مش مع المقاومه
انا طبعا معاها بس المقومه المدروسه المقاومه المخططه صح مقاومه زى مقاومه حسن نصر الله
يعمل العمليه و يشوف هو قادر انه يكمل و لا هيهرب
احنا عيبنا اننا بنعمل الحاجه لو عملنا اصلا و خلاص مش بنفكر فى اللى بعدها
انا من وجهة نظرى انه لو كان عاوز يعمل حاجه زى دى كان المفروض يختار اهداف حيويه فى امريكا بسببها امريكا مش يكون لها قومه تانى
مش يوقع برجين و كمان اللى فيهم مدنين و كمان كتير منهم ممكن يكونوا رافضين سياسه بوش
انا عندى تشبيه للعمليه دى
بقول
لو انت عندك جحر فيه فيران و لو ناوى تقضى ع الفيران دى هتعمل ايه هتنكش بعصايه و تجرى ؟
لو عملت كده الفيران هتهيج عليك و تطفشك انت
و لا المفروض انك تقضى عليها مرة واحده ؟
و ده طبعا اللى يريحك انا اقصد لو كان ناوى يعمل حاجه من دى كان استنى شويه لحد ما يقدر يجهز الهجمه اللى بعدها امريكا تركع
مش يضرب و يجرى و المسلمون هما اللى يتحملوا النتيجه
عاوز تقاوم اهلا بيكقاوم و اعمل اللى انت عوزه و احنا معاك
بس ارجوك مش تخلينا احنا اللى نكمل بدال منك كالعاده لاننا الان لا حول و لا قوه بنا
احنا بسبب سياساتكم بنضطهد و ندفع التمن
شكرا
محمد مارو

هناك ٣٠ تعليقًا:

غير معرف يقول...

أتفق معى أخى فى كل ما قلته وأن هذا العمل لا يمت إلى الإسلام بصلة - وأرى أنه ناتج عن خطأ فى الفهم وفى الإدراك وفى طبيعة الصراع - قال بذلك كل المعتدلون ذو الفكر الإسلامى الوسطى الذى لا غلو فيه ولا تطرف ولم يجر علينا هذا العمل الغير محسوب عواقبه من يومها إلا العداء والاضطهاد للمسلمين فى الغرب وفى الشرق وتشويه صورتهم وإن كان من حسنة واحده لهذا العمل فهى الانتشار الذى شهدته أوربا للإسلام بعد هذه التفجريات فالدارسات تثبت أنه عدد من دخل فى الاسلام بعد هذه الضربات أضعاف أضعاف من دخلوا قبلها -ولكن هذ ليس مبرر لهذه الضربة وكنا نود أن يعرض عليهم الإسلام بدون هذه الخليفات التى أخذوها عنه .

وأرى أن نتجاوز هذه الأحداث وألا نتذكرها كل لحظة وأن نحاول جميعا جاهدين بان ننشر الإسلام المعتدل الذى فهمناه فلا داعى لأن نعيد ذكراها كل عام وأن نتخطى هذه الذكرى ونثبت لهم بان الإسلام عكس هذه الصورة التى انطبعت لهم أو أفهمتها لهم حكوماتهم لتبرير ضربنا هنا وهناك

هذا رأيي يتفق مع من يتفق وله حق الاختلاف من يخلتف

مـحـمـد مـفـيـد يقول...

السلام عليكم


كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده

بنت الاسلام يقول...

مش عارفة ااقول ايه يامارو انت فعلا فكرتنا بحادثة مؤلمة جداا لينا كمسلمين وكعرب حادثة اذتنا كتير وكتير ولازالت بتاذينا علي حسب اعتقادي ان المتسبب في الحادث مجهول حتي الان لاتوجد ادلة قاطعة لي من المرتكب لهذه الحادثة ولا اظنها القاعدة ولا اسامة ابن لادن ليس لاني اتفق معه وفيما يفعل ولكن لسبب بسيط جداا ان القاعدة في اعتقادهم ان مايفعلون ومايرتكبون من قتل واساليب للحرب هي من باب الجهاد في سبيل الله وهذا مفهوم خطا بالتاكيد لمعني الجهاد ولكن هذا مايعتقدونه فان كانوا هم المتسببين في الحادث فعلا لكانوا هم اول المذيعين بانهم الفاعلون وكانت فعلتهم هذا عندهم بمثابة فخر لهم لانهم حققوا انتصار كبير والحقوا خسائر فادحة باعداء الله كما في ظنهم ..لكن كل هذا لم يحدث ولم يقروا انهم الفاعلون اذا من من في مصلحته ومن اسمي امانيه ان يسيء للاسلامنا وينشر كره الاسلام والمسلمين في العالم اجمعه من يمتلك من الدهاء والمكر مايجعله يخطط لحادثة ستدوم اثارها اعواما واعواما من كان يريد مبررا امام العالم للاحتلال باسم التحرير من يمتلك التقنية العالية والامكانيات المادية الخرافية منيظن ان الرب لن يرضي عنه الا بعد ان يمتلك نيلا وفراتا
وهاقد حدث سقط الفرات ولن يطول الوقت الا والنيل قد لحقه اذا استمر بنا الحال هكذا
ديننا الاسلام فخر لنا
وحال بيننا وبين الابرياء
لم يامرنا بالجهاد الا اذا اعتدي علينا
(لا ينهاكم الله عن الذين لم يقاتلوكم في الدينولم يخرجوكم من دياركم ان تبروهم وتقسطو اليهم) صدق الله العظيم
ديننا الاسلام امرنا انه اذا شاء وحدث قتال في ساحة قتال بين معتدي ومعتدي عليه
فلا نقتل شيخا ولاطفلا ولا امراءة
ولانطعن رجل في ظهره لانه غدرا وخيانة
اذا
قتالنا قتال بشرف نفتخر به
لانه وجها لوجه
سلاحا في مواجهة سلاح
ولكن
قلب مؤمن
و
قلب لايمت بالاسلام بصلة
اللهم اجعلنا مؤمنين حقا واجعل كيدهم في نحورهم


انا اسفة يامارو عارفة اني طولت جداا
بس كان لازم اوضح بس وجهة نظري
وشكرا جزيلا لانك اتحملت قراءة التعليق للاخر
و
كل سنة وانت طيب

محمد مارو يقول...

اخى الكريم ابو العربى
ده امر لو نسيناه او تنسيناه الغرب مش هينساه و بدل ما نحط راسنا فى التراب او فى الرمال لازم نتعلم من اخطائنا

محمد مارو يقول...

محمد مفيد كل سنه و انت طيب

محمد مارو يقول...

بطه هانم
اولا حكايه الاذاعه دى هما مش عملوها ع شان يتجنبوا المواجهه المباشره و الاتهام الدولى و خاصه انهم كانوا حكومه رسميه
ثانيا انتى تطولى زى ما انت عوزه ده شرف لى انك تعلقى عندى و انى اقرا هذا التعليق

محمد مارو يقول...

كل سنه و انت طيبه يا صانعه الحريه و انا معاكى فى حملتك

Monzer يقول...

واله يا مارو مش عارف أقولك ايه

بس انا اتفرت على بورنامج وثائقى علىالجيزرة
كان غريب جدا
وبيتكم عن الحادثة ده
البرنامج ده بيقولك
انالطيارة، من تحت كان فيها حاجة كدهن شبه طيارة عسكرية، مش شبه طيارة مدنية
وان البرج لما وقع، موقعش بطريقة منظمة، كانه مفخخ من جوهن زي لما بيبحوا ينسفى عمارة بيعملورها بطريقة زمنية معينى، علشان تناهار بطريقة برده معينةن وتقع على بعض زي ما حصل، لا يمين ولا شمال، لكن التفجير العشوائى الغنهيار بيكون بشكل تانى
اما عن البينتاجون، فبيقولولك، ان ماتور الطيارة، الى لقوه فى البينتاجون، مش طيارة مدنية ولا ركاب طيارة من طراز تانى

بص هي فيه لعبة، ولعبة اكبر مننا

وبصراحة يرحق ده لده،
وبصراحة تانيةن هما مش محتاجين مبرر علشان يحاربو هنا او هنا
،زي العراق، كدب وزتدليس ان فيه أسلحة، مار شاملن وهو لا فيه أسلحة ولا غيره

تيحاتى ليك يا معلم
وكل سنة وانت طيب

محمد مارو يقول...

شكرا لك يا منذر ع المعلومات الجميله دى

أحمد المصري يقول...

اقول رأيي في ايه؟..مانت قلت كل حاجة..مش مجاملة والله بس انا كنت حقول غباء لقيتك قلتها كنت حقول مكسبناش حاجة وخسرنا كام مية ألف افغانستاني ونص مليون عراقي..لقيت قلت مكسبناش حاجة..بس اللي انا عايز اعرفه وآخد رأيك فيه الغبي اللي زي بن لادن..هوا الغبي ده بيعمل كده ليه..من بعد اللي عمله وكل اللي بيقوله بحس إنه مش ممكن
يكون انسان بيفكر بأسلوب منطقي..سعات بحس إنه مش غبي ده بيستغبى..ساعات بحس إنه مدسوس ..طبعا انا مش من هواة نظرية المؤامرة -رغم إنها موجودة-بس محبش اسوء فيها..مش عارف فعلا الراجل ده نظامه ايه00امتى
يموت هوا واللي معاه ويريحنا هوا وكل الظلمة0

حسن مدني يقول...

عزيزي محمد
أنا من رأي بطة
لعدة أسباب
أولا: اللي بيعمل عملية زي دي بيعلن عنها مباشرة ولا ينكرها
ثانيا: لم يقدم لنا أحد دليل واحد محترم على أن القاعدة لها علاقة بالموضوع، طبعا الاعترافات تحت التعذيب غير مقبولة، وجواز السفر المصري اللي نجا من الحريق بعد انصهار الصندوق الأسود، نكتة وليست دليل
ثالثا: طريقة انهيار البرجين، والبرج رقم 9 الذي لم يهتم به الإعلام. كل الخبراء قالوا إنها لم تكن بسبب الطائرة.
رابعا: عملية زي كدة أكبر كثير من قدرات القاعدة، وخاصة إن القاعدة مخترقة من جميع أجهزة مخابرات العالم. فلايمكن تعمل عنلية بالحجم ده دون أن تنكشف
خامسا: قائمة أسماء من نفذوا العملية، وهي القائمة المعتمدة إلى الآن كان منها واحد مات قبل العملية، وثلاثة كانوا على قيد الحياة بعدها، ومع ذلك مازال العالم مصر إنهم كانواعلى متن الطائرات.
سادسا: جميع الأسماء الواردة في القائمة سرقت جوازات سفرهم بين 99 و2000

هي طبعا العملية جريمة بكل المقاييس. ولكنها جريمة نحن أبرياء منها، والقاعدة بريئة منها. وهناك بعض المؤشرات التي تفيد أنها عملة داخلية أمريكية، أو أن هناك أصابع إسرائيلية في الموضوع. والتفاصيل الكثيرة التي أحاطت بالحدث تدعم الرأيين جدا
تحياتي.

Mr. Architect يقول...

السلام عليكم ورحمة الله
استأذنكم اقول رأيي
بغض النظر عن العمل ده اذا كان ارهاب او غباء او اي حاجة تانية
بس ما يمنعش ان كتير مننا فرح بحاجة واحدة هي ان الفتوة بتاع العالم الجديد اتضرب علي قفاه
وفي وسط الناس كلها .. اه مش كفاية الحكاية دي
بس ممكن اقول جوانب للاستفاده من اللي حصل
او الاحداث اللي بعد سبتمبر 2001 منها حاجات كتير زي
ان كتير من الناس في العالم .. سمعت كلمة واحدة اسمها اسلام
ممكن تكون مرتبطة بالاحداث الدموية اللي حصلت .. بس الناس سمعتها
ملايين ما كانش يعرف الكلمة دي قبل سبتمبر 2001
والنتيجة الايجابية ان الاف من البشر بيدخلوا الاسلام يوميا وعن اقتناع .. سبحان الله ..بن لادن بقي ده يطلع معاهم يطلع عليهم .. اعتقد انه ما كانتش ها تفرق معانا كتير .. الخطة الامريكية .. ها تتنفذ ها تتنفذ ؟؟ وانا ما عنديش شك في كدا لانها من زما ن مرسومة

احمد الجيزاوى يقول...

اولا كل عام وانت بخير
ثانيا مش مشكله انه وقع المهم احنا هنعمل ايه الان مع الواقع الجديد
احمد الجيزاوى

محمد مارو يقول...

احمد يا مصرى شكرا لك

محمد مارو يقول...

فارس وحيد
يمكن ما تقوله حقيقى لكن انا عندى رد
اولا موضوع كلام بطه و اللى انا تناقشت معها فيه الموضوع انتم بتقولوا ان لو كان عملها كان اعلن عنها بس فى حاجه متهيالى غيبه عنكم ان بن لادن فى الوقت دح مش حركه ده واحد مسئول عن شعب و عن حمومه بيمثلها و عن بلد فمش ينفع انه يخرج و يقول انا الللى عملتها ع شان الرد الدولى ممكن العالم كله كان قام عليه بلا رحمه
ثانيا
انا اكبر دليل عندى هو فيديو التصوير الذى كان بيبن ازاى كانوا بيخططوا للعمليه صوت و صورة
ثالثا البرج رقم 9 ده اول مره اسمع عنه هراجع معلوماتى و ارد عليك
رابعا قدرات ايه اللى بتقول عليها العمليه كانت سطو مسلح بشويه سكاكين من اللى بيكلوا بيها فى الطائره و مخابرات ايه ما امريكا جالها خبر بيها بس تكبرت و كبرت لحد ما انهارت
اخيرا بئه لو مش هو اللى كان عملها امريكا هتحارب و هم يعنى ثم ان لو فى دليل كانوا الديمقراطيون فضحوا الامر دول بيتمنوا غلطه لبوش
خاميا قائمه الاسماء انت بتقول واحد مات ؟
ما يمكن مات فعلا قضاء و قدر قبل العمليه ثم ان كل التسه كاون ع قيد الحياه

محمد مارو يقول...

عرش معرى
انا مش هنكر اننا فرحنا بضرب امريكا و مش احنا بس ده العالم كله لان طبيعه البشر مش بيحبوا الظلم و هما كانوا زى ما بتقول مفتريين
بس هو مفيش طريقه تانه لدخول الاسلام غير دى ؟

محمد مارو يقول...

كل عام و انت طيب يا جيزاوى

AM2F For Development and Management Consulting يقول...

عزيزي محمد شرف كبير مرورك مدونتي وارجو ان تكون لم تنسي ان تصوت بخصوص نفس الموضزع

اتفق معك في رفض نظرية المؤامرة كما اوضحت من قبل في مدونتي، واتفق معك في ان الاهداف الصحيحة هي الاهداف العسكرية وليست المدنية فهكذا افهم المقاومة. والشئ الجدير بالاشارة هنا هو ان اليمين المتطرف الحاكم الان استغل هذه الحادثة لابعد درجة من اجل تمرير سياساته العالمية، لدرجة ان كثير من المحللين اشاروا الي ادله توحي بعلمهم بما سوف يقوم به المهاجمين.
المهم النتيجة الاخيرة كانت خسارة جماعية لكل الانسانية التي وقعت تحت رحمة التطرف والمغالة ولنا عوده

صاحب البوابــة يقول...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

فى القلب يقول...

تعرف ساعات
أحس أن اليهود وأبقى متأكده
أنهم من خطط وبعدين حركو القاعده كالعرائس المريونت
عارف أحنا فى مسرح
أحنا الممسلين
وهما المخرجين

محمد مارو يقول...

اخى ايمن الحاج شكرا لك مرتين
اولا لانك اوحيت لى فكره المقال ثانيا تشريفك لى اليوم

محمد مارو يقول...

كل عام و انت بخير يا صاحب البوابه

محمد مارو يقول...

فى القلب
انا مش مع فكره اليهود دى

nosha يقول...

مارو حبيبي
والله إنت كلامك جميل جداً وأنا عن نفسي فرحان جداً باللي حصل في أمريكا
بس بقى اللي أنا مش فرحان بيه إن العملية كلها جت على دماغ المسلمين والعرب مش فاهم ليه أو لإن الناس دي عندهم اعتقاد راسخ إن كل المسلمين وخاصة العرب منهم إرهابيين وسبحان الله لما إحنا بقى إرهابيين أمال هما يبقوا إيه ؟؟؟ من كتر جرائم التعذيب والقتل والإغتصاب اللي بتحصل منهم ومن جيشهم ومن الدول المتآمرة معاهم
والله يا مارو دول في الآخر عالم فاكرين نفسهم إنهم هما الصح وهما القوة العظمى التي لا تقهر ولكن كل ده بقى بالنسبة للمسلمين وخاصة المصريين منهم خيش وقش زي ما بيقولوا
تحياتي ليك يا مارو

محمد مارو يقول...

احلى تحيه لااحلى نوشه

shahy يقول...

مفيش كلام بعد كلامك

بارك الله فيك

Me, myself, and her يقول...

أنا من مؤيدي نظرية المؤااااااامرة

يعني .. كل مصيبة تتعمل يلزقوها بالمسلمين .. مثلا هناك جنود امريكيين اعترفوا بأنهم تمرنوا كي يمثلوا دور العسكري العراقي

وكلنا يعلم أن هدف أمريكا إعلانها حرب عالمية ثالثة .. ورغم ما يدفع من ميزانيات بأرقام خيالية إلا أنه لا يخسر شيئاً ، كيف يخسر وهو عنده عداد فلوس بيدخلله من كل بقعة من الكرة الأرضية ، وإلا أين تعتقد بترول العراق يذهب مثلاً .. أم هل صدقنا حكاية النووي اللي في العراق الذي إلى الآن لم يظهر

هذا يأخذنا إلى مفهوم واحد هو غلبة الاعتقاد هنا على أن ذلك من تخطيط يهودي امريكي أو عصابة لها أهداف ما

سيدي الفاضل

لماذا الأخبار مليئة بكوارث في البقعة العربية تحديداً ؟؟؟؟ مصر .. العراق .. لبنان .. فلسطين .. سوريا .. والقادم دوره جاي ..

ألم نفهم بعد؟؟؟؟؟

قريباً سأضع كليب قصير من فيلم أمريكي .. عبارة عن إسقاطات للحقيقة داخل السيناريو .. ترقبوه

Desert cat يقول...

لو بالفعل اتبعنا تعاليم الاسلام واخدنا من نبينا قدوة مبقاش المسلمين بقوا ملطشة
حسبنا الله ونعم الوكيل

malak يقول...

كل عام وانت بخير ورمضان كريم اعاده الله عليك بالخير والبركات


تحياتى

حسام مراد يقول...

الاول السلامو عليكو
انا بقالى زمان مقصر معلش اعذرنى للاسباب انقطاعى اصلا عن التدوين فى الفتره الماضيه

الثانى ندخل بقه فى البوست

انا اتفق معاك انه غباء لا مش غباء ده منبع الغباء

ولكن اختلف معاك وبشده حينما قلت بانها مقاومه

وازعجتنى بشده هذه الجمله
(((انى اقول انه غباء و ده طبعا مش يتفهم انى مش مع المقاومه انا طبعا معاها بس المقومه المدروسه المقاومه المخططه صح )))
لا يا عزيزى والف مليون لا
دى مش مقاومه ده ارهاب اللى حصل فى امريكا 11 سبتمبر ده ارهااااب مش مقاومه
قتل المدنين فى برج وهم فى مأمن ده ارهاب
الرسول صلى الله عليه وسلم ماكنش بيعمل كده لكم دينكم وليا دينى وبياخد جزيه وبيتعامل
مش يجى بليل او بانهار وهم بغفله يحرقهم

ده ارهاب وياريت نفرق بين المقاومه فى اراضينا العربيه والارهاب

على كده بقه اللى حصل فى طابا وشرم الشيخ
مقاومه!!!
مهما دول اللى عملوا كده برده او جماعه تانيه
يا ريت نكون احنا العرب والمسلمين عارفين االاول ايه هيه المقاومه عشان الغرب مايقولش على المسلمين ارهابين عندما يسمعون ذلك ان 11 سبتمبر مقاومه فعلا يبقه احنا ارهابين


معلش انا طولت بس لازم كنت اقول كده

وكل سنه وانت طيب ورمضان كريم

سلاماااااااااااااااااااات