الاثنين، ٢٣ يوليو ٢٠٠٧

تعالو نقول للحكومه مرة نعم مش لاء

قرأت لأحد المدونين موضوع ابويه قال لامى وزراة الاتصالات بتستهبل ( هو صاحب مدونة شبشب بصباع ) على الرابط http://7rnksh.org/
فى الموضوع ده صاحب المدونه بيطلب نعمل حملة نقول فيها لاء للنت المحدود
بس بجد انا تعبت من كلمه لاء اللى بنقولها للحكومه احنا قلنا لاء كتير
مره لاء لمبارك
و مرة لاء للتعذيب
و مره لاء للتوريث
و مره لاء لتزوير الانتخابات
و مره لاء للفقر
و مره لاء لقانون الطوارىء
و الغريب فى الامر ان كل حاجه نقول عليها لاء بدل ما تتغير يتتثبت
قلنا لاء لمبارك و لاقيناهم بيقولوا هو اخد 85% من الاصوات
قلنا لاء للتعذيب و كل يوم التعذيب بيزيد و شغال فى الاقسام على ودنه
قلنا لاء للتزوير و طبعا انتم شفتوا انتخابات الشورى و الاخوان المسلمين اللى اخدوا مليون او اكتر من الاصوات لم يحصلوا ع شىء يذكر
قلنا لاء للفقر و كل يوم الاسعار عماله تغلى و الدنيا بتولع و الفقر برده بيزيد
قلنا لاء لقانون الطوارىء بدل ما يكون قنون بئه ماده فى الدستور
قلنا لاء للتوريث و اهو جمال على باب الحكم اهوه
متهيأ لى ان الحكومه فهمانا غلط هى مش قصدها طبعا تتعبنا او تعاند فينا بس هى فكره ان احنا اما نقول لاء ده يعنى نعم
انطلاقا من مقولة يتمنعن و هن الراغبات
الان اصبح المصريون كلهم راغبات
و لما نقول لهم لاء هما بيفهموا ده انه نعم
طيب ما تيجوا نقول لهم مرة نعم و نجرب
انا واثق هما هيعملوا العكس
من هنا
انا بدعوا ان احنا نقول لهم نعم للنت المحدود و نجرب متهيأ لى هيلغوا الحكايه دى و لا ايه رئيكم ؟

هناك ١١ تعليقًا:

هشام رمضان يقول...

اه و الله كلامك صح ,, و عجبي

Monzer يقول...

ماشى يا حكومة معاك المرة ده
علشان خاطر مارو
بس لو هادفع زيادة
تبقى على مارو حبيبى

هههههههه
تحياتى ليكيا معلم
وكنت منور القاهرة بجد

محمد مارو يقول...

حلوه اوى الحمله دى ده احنا عندنا اماكن الناس مسمينها الباطنيه

غير معرف يقول...

حلو قوى الموضوع يا مارو
الجكومه ماشيه خلف اخلاف

محمد مارو يقول...

نورت مدونتى يا شرقاوى

صاحب البوابــة يقول...

والله كلامك صحيح

بس ايه الحل نسكت

لا والف لا

-----------

بالمناسبة ارجو ان تشاركنا في حملة ( افضحوا تجار الكيف )

سواء بالدعاية لها او بوضع البانرات

التفاصيل في مدونتي

محمد مارو يقول...

اخى الكريم انا بالفعل مشارك معاك و كنت من اوائل اللى علقوا عندك بس مش عارف التعلق مش اتنشر ليه كمان انا الان بجمع معلومات من كل الناس و كلمت اكتر من واحد و قالى هيجيب لى معلومات بالتفصيل بس بجد لسه محدش رد
اخوك محمد مارو

عصفور المدينة يقول...

نعم للتوريث

nosha يقول...

والله يا مورة أنا معاك في أن الحكومة ماشية بضهرها معانا في كل حاجة بس المشكلة بقى إننا نقول نعم وساعتها هما يدونا على قفانا وتلاقيها برده نعم وتثبت وساعتها بقى إحنا اللي اختارنا بجد ومش هنقدر نتكلم ونبقى خدنا على قفانا بصحيح

محمد مارو يقول...

صديقى العزيزه
اهلا بكى
و ع فكره انا شاب مش فتاه

كمان اما يكون فى حاجه باردتنا افضل ما كله يكون مفروض علينا

بنت الاسلام يقول...

احنا كدة
هنعيش
ونموت
والكلمة معلقة في لسانا
لالالالالالالالالالالالا