النهارده قرأت خبر فى شريط الاخبار ( الشريط الاحمر بتاع القناه الاولى ) بيقول الخبر
مبارك لم يأخذ قرار بأسقاط الديون العراقيه لمصر
و على اد فهمى ( زى ما انا عرف يعنى ) ان الديون او جزء منها على الاقل دى بتاع المصريين الغلابه
اللى تعبوا فى العراق و اشتغلوا و سابوا اهلهم و عيالهم سنين و شهور و ايام
و اتغربوا على شان يجيبوا القرش و اللقمه للعيال
المصريين دول اشتغلوا فى العراق و لما جم ينزلوا مصر السلطات العراقيه قالت لهم احنا هنحول لكم الفلوس ع مصر و خدوا بدلها ورقه تثبت ان لكم فلوس عندنا
اللى اسمها الان
الورقه الصفرا
و الناس دى يعينى استنوا شهور و ايام و سنين
على امل انهم يفرحوا بتعبهم
بس محدش صرف لهم حاجه لحد الان
فلو الديون دى زى ما انا فاهم كده انها فلوس الناس الغلابه دول
يبئه معذره يا سيدى الرئيس محدش له الحق انه يتنازل عنها الا لو كنت هتصرفها انت من خزانه الدوله
و ده طبعا صعب
يبئه معلش
بدل ما تفكر انك تسقطها فكر احسن انك ترجعها
و طبعا لو قلت ترجعها الان اكون معنديش دم على شان الوضع المؤلم اللى بيعيشه العراق
بس اقول على الاقل زى ما الناس دى مستنيه من سنه 89 يعنى من 18 سنه هما مستنين
برضه هما ممكن يصبورا كمان شويه
بس المهم انهم يشوفوا نتيجه تعبهم و يحسوا بيه
لان منهم اللى مديون ع حس الفلوس دى لحد الان
و منهم اللى راهن بيته و منهم و منهم ومنهم
يعنى الناس محتجاها اوى
هناك ١٥ تعليقًا:
انشاء الله فلوس الغلابه دول لازم ترجع سواء دفعتها الدوله من خزنتها او دفعتها الحكومه العراقيه المساس بحقوق هولاء صعب واطمانك
اطمئن من هذه الناحيه فلوس الناس لازم ترجع
لكن فى ديون بين الحكومه وبين العراق دى ممكن تتنازل عنها مصر
اخى الشريف جمال
اتمنى من الله انها ترجع بجد الناس فى امس الحاجه لها
بس للاسف الوقت طال اوى و الناس ملت من الانتظار
ما هى الحكومه العراقيه هتكون مديونه لمصر ازاى يعنى غير عن طريق الفلوس دى
لو عندك توضيح فهمنى يا عمر
والله أحنا ممكن ندفع فلوس للعراقيين لكن العراقيين الوطنيين مش الحكومة العراقية
ممكن معلش يا مارو نتنازل عن فلوسنا بس لو هاتروح لاخوانن العراقيين بجد مش هاتروح لجيوب الفاسدين من الحكومة الخائنة العميلة فى العراق
احنا مش هاندفع تمن احتلال أمريكا للعراق
سورى يا ريس مش بتاعتك الحته ده
بجد باحييك جدا على موضوعك المحترم يا مارو
ومتبقاش تتأخر علينا كتير كده
شكرا يا منذر يا اخويه
انت عارف سبب التاخير الامتحانات بئه
وهو فى أيه من حقه , أموال قناة السويس , والبترول , والسياحة , ماذا نرى منها , القصور الفارهة للسيد الرئيس , وأقامته الدائمة فى شرم الشيخ , هل هذا من حقه , الرحلات المكوكية لزوجة وأبن الرئيس , على قفا الشعب المصرى هل هذا من حقهم , يعنى هاتيجى على دول بجملة بقى
أخوك
حمادة زيدان
انا متفق معاك فى كل الكلام اللى قلته
دي فلوس ناس غلابة وشافت الويل بسبب كده
للاسف ان احنا معندهاش جهاز اداري محترم بيتخذ القرارات المصيرية والتى تمس الشعب
للأسف القرارات دي بتيجى من الرئاسة دون اي تفكير او تخطيط لعواقبها وما ستترتب عليه من نتائج
دمتم جميعا بخير
كلام لوجيك
احنا قراراتنا فى الاهولى و فى الاخر لضد الشعب مش لمصلحته
المهم عند الكبار مصلحه السواح مثلا المستثمرين معلش الاغنياء و الموسولين اوك
لكن الغلابه اسف بالجزمه دول مش يسوم
و ع راء اللى قال فى حقهم
تتكم الارف مليتو البلد
كان بيقصد الغلابه
ياااااااااااااااه
انت متفاءل قوي...مش لما المصريين ياخدوا حقوقهم في بلدهم الاول يبقوا ياخدوها من العراق
طول العمر يبلغ الامل
معاك حق و الله
يا اخى يا سمير
انت قلتها كلمه حكمه
عزيزى ماذا تنتظر من عميل من اهم عملاء امريكا فى الشرق الاوسط
اخويه محمود
انتظر حق الغلابه و حق المصريين
الله يحرقك يا مبارك
عزيزى مارو
وانا معاك مش من حقه اللى يقدر يقول الكلام ده هو البرلمان يما يكون منتخب حقيقى من الشعب
تحياتى
إرسال تعليق