اصله مينفعش

يا جماعه اصله مينفعش انتم كنتم متوقعين ايه ؟
ده السيناريو المتوقع اصلا
مينفعش ان رئيس اكبر دوله فى العالم (رئيس العالم اصلا ) يجى فى مؤتمر صحفى امام العالم و يطالب و يقول للحكومه المصريه افرجوا عن ايمن نور
فين بئه سياده الدوله ؟
ده كده اضر بنور مش خدمه حتى لو مبارك كان فى نيته الافراج عن نور مش هيفرج عنه الان
بسبب بوش
و طبعا نو اتحبس و رفض طلب الافراج الصحى عنه
بس على شان اكون منصف
لو اللى كان محبوس واحد امريكى كان من اول مكلمه تليفون كان تم الافراج عنه
بس اللى محبوس واحد مصرى و مش اى مصرى ده مصرى اتهم مبارك و علاء علنيا بالسرقه و قالى انا هحطكم مكانى
ع شان كده احنا من حقنا ندعك و نمرمط و نبهدل فى المواطنين لكن لو فراش امريكى او حتى بطلطجى امريكى او اى مصيبه امريكى مكنش فضل فى السجن يوم و لو كان دخل كان طبعا هيدخل سجن كبار السجناء

ههههههههههههه ع وزن كبار الزوار

و على فكره انا مش مع الافراج عنه
و شكرا
محمد مارو

بعد اما اخد ع قفاه جاى يتشطر علينا

ايه يا عم
ده حتى لسه القلم اللى انت اخدته لسه معلم ع قفاك
و لسه وزرارء الخارجيه العرب عمالين يعيطوا لبلغاريا ع شان يحبسوا الممرضات
و الله حاجه غريبه
مهما كانوا عندك و فى بلدك و كان ممكن تعدمهم ايه اللى خلاك تفرج عنهم و تطلعهم براءه و يروحوا بلغاريا و طبعا المنطقى انهم يتم الافراج عنهم لانك مش قدرت تعمل معاهم حاجه و هما لا من مواطنينك و لا حاجه اما بئه اللى هما بيمسلوهم و اللى هما حكومتهم يعملوا معاهم ايه انا من رأى يدوهم و ساهم الشجاعه لانهم قدروا يذلوا الليبين و قدروا يحقنوا 400 طفل بالايدز و كمان الحكومه الليبيه سابتهم
و بعد كل ده رايح يموت مصرى غلبان بيجرى على لقمه عيشه
و الخبر كما يلى
قامت خفر السواحل الليبيه باطلاق النار ع مركل صيد مصريه مما ادى لوفاة احد الصيادين
و طبعا حكومتنا المبجله مش عملت حاجه
و لا هتعمل و هيطلعوا الراجل هو اللى غلطان
و بالرغم ان المثل بتاع مقدرش ع الحمار قدر ع البردعه مش ينفع يطبق هنا
لان مصر ممكن تمحوهم بس للاسف حكومتنا شايفه ان عددنا كبير فيقولوا مش مشكطله اما واحد او اتنين او 1000 يموتوا
يا قذافى انا كامصرى و كلنا كامصريين عوزين حق الراجل اللى موتوه رجلتك
مدام حكومتنا ساكته
و شكرا

هل الرجوله فن و اغراء

اولا اود ان اوضح حاجه مهمه قبل ان اتكلم فى الموضوع ده

ليس هدفى الكلام فى الجنس و لكن انا بكتبه من منطلق الثقافه الجنسيه

حتى يخرج كل من الرجل و المراه فى حاله تامه من الاشباع

و انا بقول الرجل و المرأه على حد سواء لان فى مجتمعنا العربى بنكون مطالبين من المراة انها تفعل كل شىء من اجل ارضاء زوجها و لكن هل بحث الرجل مره عن ما يرضى زوجته

ع شان كده انا هكتب المقال ده

و هو بيتناول كيف تكون الرجوله اغراء

هل الرجوله فن و اغراء

نعم مثلما هناك انوثة طاغية .. يوجد أيضاً رجولة طاغية

فما اوجه الإغراء والجاذبية الرجولية ...؟؟

بداية

نظرات الرجل

قد لا يملك الرجل عينان جميلتان .. لكن اسلوب النظرة وحدتها يذيب الجليد عند المرأة . وكلما كانت النظرة تتسم بالرجولة والحدة المتوهجة كلما كانت أكثر تأثيرا لدى المرأة ..فنظرات الرجل سهام تخترق جسد المرأة ولا تستطيع مقاومتها

جسد الرجل

من مواصفات الرجولة الطاغية الطول وعرض الاكتاف والصدر العريض ...ومهما تعددت الأذواق لدى النساء يظل وجود الشعر المغري في جسد الرجل وخاصة توزيعه على صدره وذراعيه بطريقة جذابة عاملاً للفت انتباه الأنثى واثارتها ..المرأة دائما لا تحب الرجل النحيف جدا فمع هزاله لا تشعر بقوته ورجولته ... فالجسم الرياضي الممشوق يعطي الرجل جمالاً اخاذاً

خشونة الملمس

القصد هنا ليس جفاف الجلد والبشرة .. بل البعد عن نعومة الانثى و دلالها ..فمهما بلغ جمال الرجل او وسامته فهي لا تثير الأنثى اذا كانت تتسم بالنعومة والدلال ...فنجوم السينما قد يتسمون بالوسامة ولكن النعومة لديهم تنفر الأنثى الطبيعية ولا تحقق الجاذبية الرجولية

كرم الرجل وسخاؤه

الرجولة ارتبطت بالكرم والسخاء .. وليس معنى ذلك استغلالاً للرجل .. ولكن شعوراً بقوته وسيطرته .. فالرجل اللي يرضى ان تكون زوجته مسئولة عن الإنفاق في بيته وعلى اموره الخاصة قد فقد احدى اهم مقومات الرجولة والقوامة .. والرجل السخي يظهر ذلك ليس فقط في الجانب المادي بل والعاطفي ايضاُ ..

الرومانسية

جاذبية الرجل تزداد تأثيرا مع تحليه بقدر من الرومانسية لجذب الأنثى .. فالمرأة قد تجذب الرجل بدلالها وخضوعها له ..بينما الرجل يجذب المرأة بقوته وعنفه حتى في اسلوب احتضانها او الضغط عليها ..حتى القبلات من الرجل لها نكهة مختلفة اذا اتسمت بنوع من القوة والجرأة الرجولية ..واغداقها بكلمات الثناء والإعجاب ... ولا ننسى الرسائل والهدايا الرومانسية

الجنس

ليس معنى الرجولة ان تتسم بالفحولة وتزداد لديك عدد مرات الممارسة الجنسية ..بل أسلوب الجنس وثقافتك الجنسية وقدرتك على اشباع الانثى هي الرجولة الحقيقية ..فكما تحب ان تشعر بأنوثة المرأة في السرير ، عليك بإشعارها برجولتك

( اسف لن ادخل فى تفاصيل هذه النقطه منعا للاحراج )

الإهتمام بالمظهر

معروف عند النساء أن الزوجه عليها أن تتفنن في اللبس علشان زوجها، حتي تجذبه لها وتغريه، وأغلب الرجال يطالبون زوجاتهم بالتجديد في أشكالهم ومظهرهم الخارجي، ومايعتمدون على ستايل واحد معين، حتي لا يصيبهم الملل والفتور .يريدون الزوجة تكون دائماً عشرة علي عشره، صارخه الجمال، متعددة الألوان، متنوعة في اللبس وخصوصاً لبس آخر الليل في غرفة النوم !..لكن لماذا ينسي الرجل ما عليه وأنه يجب ان يعدل ويرتب في هندامه حاله حال المرأه !!؟لماذا لا يلبس أحلى الملابس عندما يقابل زوجته ! لماذا لا يتفنن في لبسه خصوصا بآخر الليل ؟

لماذا ينبغي علي المرآه دوما ان تكون متعدله (( ومتكشخه )) مثل ما كل العالم يطلب منها علشان تغري زوجها وترضيه وترضي شهواته المجنونه وعشان عينه ما تزوغ يمين والا شمال، في حين ان الرجل لا يكلف نفسه عناء شراء لبس جديد (( يتهندس )) فيه أمام زوجته !؟

عزيزي الرجل

اهتم بذوق زوجتك في الألوان .. وتفنن في شراء ملابس النوم .. استخدم العطور المناسبة والمغرية .. اهتم بقصة شعرك واظافرك ..احرص على استخدام كافة انواع الشامبو والرغاوي الخاصه بالجسم والنظافة الشخصية ...والتفنن بشراء احدث واروع انواع العطور المثيره

هذا الموضوع منقول

تعالو نقول للحكومه مرة نعم مش لاء

قرأت لأحد المدونين موضوع ابويه قال لامى وزراة الاتصالات بتستهبل ( هو صاحب مدونة شبشب بصباع ) على الرابط http://7rnksh.org/

فى الموضوع ده صاحب المدونه بيطلب نعمل حملة نقول فيها لاء للنت المحدود

بس بجد انا تعبت من كلمه لاء اللى بنقولها للحكومه احنا قلنا لاء كتير

مره لاء لمبارك

و مرة لاء للتعذيب

و مره لاء للتوريث

و مره لاء لتزوير الانتخابات

و مره لاء للفقر

و مره لاء لقانون الطوارىء

و الغريب فى الامر ان كل حاجه نقول عليها لاء بدل ما تتغير يتتثبت

قلنا لاء لمبارك و لاقيناهم بيقولوا هو اخد 85% من الاصوات

قلنا لاء للتعذيب و كل يوم التعذيب بيزيد و شغال فى الاقسام على ودنه

قلنا لاء للتزوير و طبعا انتم شفتوا انتخابات الشورى و الاخوان المسلمين اللى اخدوا مليون او اكتر من الاصوات لم يحصلوا ع شىء يذكر

قلنا لاء للفقر و كل يوم الاسعار عماله تغلى و الدنيا بتولع و الفقر برده بيزيد

قلنا لاء لقانون الطوارىء بدل ما يكون قنون بئه ماده فى الدستور

قلنا لاء للتوريث و اهو جمال على باب الحكم اهوه

متهيأ لى ان الحكومه فهمانا غلط هى مش قصدها طبعا تتعبنا او تعاند فينا بس هى فكره ان احنا اما نقول لاء ده يعنى نعم

انطلاقا من مقولة يتمنعن و هن الراغبات

الان اصبح المصريون كلهم راغبات

و لما نقول لهم لاء هما بيفهموا ده انه نعم

طيب ما تيجوا نقول لهم مرة نعم و نجرب

انا واثق هما هيعملوا العكس

من هنا

انا بدعوا ان احنا نقول لهم نعم للنت المحدود و نجرب متهيأ لى هيلغوا الحكايه دى و لا ايه رئيكم ؟

لماذا نطوف فى الحج حول الكعبه من اليسار الى اليمين

معروف انه من أساسيات الاسلام انه قبل اى شىء لابد ان نسمى الله و نقول بسم الله الرحمن الرحيم و ايضا ان نبدا من اليمين الى اليسار انطلاقا من حديث رسول الله صلى الله عليه و سلم عندما قال تيمنوا فأن فى اليمين بركه

و لكن هناك شىء غريب

انه فى ركن الحج و خاصة فى الطواف حول الكعبه المشرفه نبدا الطواف من اليسار الى اليمين و ليس من اليمين الى اليسارفنحن نبدا من الحجر الاسود وننتهى بالحجر الاسود وهكذا عكس اتجاه عقارب الساعه فهل لذلك سبب علمى او حكمه

نعم هناك سبب علمى وحممه الاهيه تدل ع ان القران حق و ان رسول الله صلى الله عليه و سلم دائما على حق و انه لاينطق عن الهوى ان هوى الا وحى يوحى و أليكم التفسير العلمى

قبل التفسير هديلكم بعض الحقائق

الدوران حول الكعبه المشرفه يكون من اليسار الى اليمين و عكس اتجاه الدوران حول عقارب الساعه وهو نفس اتجاه الدوران الذى تتم به حركة الكون من أدق دقائقه إلى أكبر وحداته ؟؟؟ فالإكترون يدور حول نفسه , ثم يدور فى مدار حول نواة الذرة فى نفس اتجاه عكس عقارب الساعة ؟؟ والذرات فى داخل السوائل المختلفه تتحرك حركه موجية ، البروتوبلازم يتحرك حركه دائرية فى نفس الاتجاه ألارض تدور حول الشمس والقمر يدور حول ألارض ، والمجموعة الشمسيه تدور حول مركز المجرة ، والمجرة تدور حول مركز تجمع مجرى ؟؟ و التجمع المجرى يدور حول مركز للكون لا يعلمه إلا الله ؟؟؟؟ وكـــــــــــــــــــــــل الحركااااات لها نفس اتجاه الطواف حول الكعبه ؟؟؟؟؟؟؟؟؟ فسبحان الله !!!!! ومـــــــــــــــــــــــن الغريب أيضاً فى كافة أجســـــــــاد الكائنات الحية ، تتكون من البروتينات التى تتكون من ( الكربون , الهيدروجين , النتروجين ، ألا كسجين ، والكبريت)هذه العناصر تترتب حــــــــــول الكربون , إما ترتيب يمانياً او يسارياً ، ووجــــــــــــد العلمـــــــــاء أن هذا الترتيب فى كافة أجســــــــاد الكائنات الحية ، يترتب ترتيباً يسارياً ,,,, أى فى نفس اتجاه الطواف حـول الكعبة كذلك من الغريــــــــــــــــــب أنه إذا مات الكائن الحى فإن الأحماض الأمينية تعاود ترتيب نفسها ترتيباً يمانياً بنسب ثابتة محدودة ؟فالكون كلــه من أدق دقائقة إلى أكبر وحداته يدور معــــــــــــــاكس لاتجاه عقرب الساعة ,,, وهـــــــو نفس اتجاه الطواف حول الكعبه ؟؟؟؟ الطواف حول الكعبة سنه فطريه فطر الله النااااس عليهاااا

لذلك فالسبب العلمى هو انك عندما تدور من اليسار الى اليمن فان ذلك يساعدك ع حفظ توازنك خاصه لانهم 7 اشواط فى مكان حار مثل هذا المكان و بالتالى لاتشعر بالتعب و الاجهاد سريعا و لاتدوغ و لا يحدث حالات اغماء

و سبحان الله

لكل شىء حكمه

و عملها القذافى و مخذلنيش ( للمره التانيه اهوه بيركع اهوه )

و عملها القذافى و تنازل عن الاعدام بحق الممرضات البلغاريات و الطبيب الفلسطينى و قبل شويه فلوس ما انا قلت من الاول الدم العربى رخيص جدا و من ناحيه اخرى تنزال عن شىء اخر الاو هو موضوع لوكربى و اعترف رسميا بمسوليته عن الحادث بعد سنوات من الشد و الجذب الطويله مع الغرب و مع امريكا
هو بيقول انه اعترف ع شان يلغى العقوبات المفروضه عليه من عام 1992
و انا بقول هو تنازل عن حكم الاعدام و كمان قبل دفع التعويضات و اللى قيمتها 2.7 مليار دولار و كمان قبل كده تخلى عن اسلحة الدمار الشامل اللى كان يملكها و كمان حاجات كتير معلنه او مستورة مش ع شان يرفع العقوبات المفروضه عليه لاء هو عمل كل ده لانه شاف اللى حصل لصدام حسين هو وعدى و قصى
فقال اما ألحق نفسى انا بئه و ظط فى الدنيا
اما ادفع فلوس الليبين و اتخلى عن اسلحة الدمار الشامل احسن من انى يحصلى زى اللى حصل لصدام اصل هما الاتنين كانوا بيحبوا يجعجعوا ع الفاضى هنعمل و هنسوى و فى الاخر حصل اللى حصل
يا قذافى باشا
مدام اخرتها انك هتدفع التعويضات و كمان هتتنازل عن حكم الاعدام ليه بئه من الاول المكابره و تعمل نفسك بطل و فى الاخر اديك بتركع اهوه
بعد كده قبل اما تاخد اى خطوه ابئه راجع نفسك و شوف انت هتركع بعدها بوقت اد ايه
لانك مهما طولت او قصرت المده بتركع فى الاخر و تخذل العرب
و اللى امريكا عوزاه هو اللى بيمشى

يا ترى يا قذافى هتنصفنا المره دى

سؤال نفسى انه يتحقق و ان القذافى يقدر يعمل حاجه و ينصف شعبه
و ده طبعا بخصوص موضوع الممرضات البلغاريات
ده موضوع لو حصل فى امريكا او اى دوله من دول الاتحاد الاروبى كان حكم الاعدام تم من زمااااااااااااااااااااااان
اما فى ليبيا و الدول العربيه مش نقدر ناخد حكم زى ده
هما اتحكم عليهم بالاعدام وده اقل ما يمكن انه يتحكم عليهم بيهو بالرغم من كده انا واثق و متاكد ان القذافى هيرجع فى الحكم ده
مش لحاجه غير لانه عملها قبل كده 100 مره و مره ( نسيتوا موضوع لوكربى و الشد و الجذب اللى كان مع امريكا لفترة طويله ) و فى الاخر ركع و باس الايادى اصل فى تقديرى القذافى خليفة صدام فى الملاعب لما فضل يقول و يهدد انه هينسف امريكا بس للاسف امريكا لسه باقيه لكن هو يرحمه الله بئه
هو كمان القذافى كده يفضل يقول و يهدد و فى الاخر يتراجع
و ادينى معاكم مستنى الحكم اللى هيصدر
قولوا معايه يا رب القضاء ياخد مجراه و مش يضحك على الناس بشوية فلوس
اصلنا عرب كل اللى يهمنا الفلوس و بس
نعمل ايه عرب بئه ؟
و بكره ربنا يشفينا من دى كمان و يشفينا من الحكام اللى مسببين لنا الامراض

لقد أنتهت فترة امتحاناتى و الحمد لله

اليوم الاربعاء الموافق 11 / 7 / 2007 أنهيت امتحانات تمهيدى الماجستير و الحمد لله
و حقا كانت فترة صعبه جدا و متعبه جدا خاصة فى ظروف الحر اللى كانت موجوده خلال هذه الفتره
و اكثر ما اتعبنى فى هذه الفتره هو البعد عن ابحاثى على شبكه المعلومات و ايضا البعد عن اصدقائى الاعزاء و خاصه الاخ منذر
فقد افتقدته كثيرا خلال هذه الفتره
و ايضا ما اتعبنى هو عدم المشاركه حتى لو بالرأى فى الاحداث الاخيرة و خاصة المهزله و الفضيحه اللى كانت فى فلسطين و المتمثله فى القتال بين فتح و حماس و استيلاء حماس ع غزة بالقوه
و ايضا موضوع عجائب الدنيا السبع الملفقه و غير الصادقه
فمصر لوحدها كده عجيبه من العجايب
سواء من ما تحتويه من أثار و اللى بتمثل 25 % من أثار العالم
أو من ما تحتويه من مواطنين غلابه و متبهدلين و متعذبين و لسه برضه عيشين و مستحملين
و مش بس كده دول برضه بيروحوا ينتخبوا السبب فى بهدلتهم و فقرهم و تعذيبهم
بالله عليكم بعد كل ده و مصر مش تاخد اى ترتيب
ع العموم
ارجوا ان تدعوا لى بالتوفيق لى و لكل الزملاء اللى كاونوا معى

عفوا سيدى الرئيس مش من حقك

النهارده قرأت خبر فى شريط الاخبار ( الشريط الاحمر بتاع القناه الاولى ) بيقول الخبر

مبارك لم يأخذ قرار بأسقاط الديون العراقيه لمصر

و على اد فهمى ( زى ما انا عرف يعنى ) ان الديون او جزء منها على الاقل دى بتاع المصريين الغلابه

اللى تعبوا فى العراق و اشتغلوا و سابوا اهلهم و عيالهم سنين و شهور و ايام

و اتغربوا على شان يجيبوا القرش و اللقمه للعيال

المصريين دول اشتغلوا فى العراق و لما جم ينزلوا مصر السلطات العراقيه قالت لهم احنا هنحول لكم الفلوس ع مصر و خدوا بدلها ورقه تثبت ان لكم فلوس عندنا

اللى اسمها الان

الورقه الصفرا

و الناس دى يعينى استنوا شهور و ايام و سنين

على امل انهم يفرحوا بتعبهم

بس محدش صرف لهم حاجه لحد الان

فلو الديون دى زى ما انا فاهم كده انها فلوس الناس الغلابه دول

يبئه معذره يا سيدى الرئيس محدش له الحق انه يتنازل عنها الا لو كنت هتصرفها انت من خزانه الدوله

و ده طبعا صعب

يبئه معلش

بدل ما تفكر انك تسقطها فكر احسن انك ترجعها

و طبعا لو قلت ترجعها الان اكون معنديش دم على شان الوضع المؤلم اللى بيعيشه العراق

بس اقول على الاقل زى ما الناس دى مستنيه من سنه 89 يعنى من 18 سنه هما مستنين

برضه هما ممكن يصبورا كمان شويه

بس المهم انهم يشوفوا نتيجه تعبهم و يحسوا بيه

لان منهم اللى مديون ع حس الفلوس دى لحد الان

و منهم اللى راهن بيته و منهم و منهم ومنهم

يعنى الناس محتجاها اوى

اللى حصل لايمان لا يمكن يتسكت عليه

كان يا ماكان يا ساده يا اكرام فى قديم الزمان وحده مصريه غلبانه اسمها ايمان كانت بتدون و بكتب و بتتكلم عن حال العرب
و فى مره شافت موقف زعيم عربى مخيب للامال و اسمه المعمر القذافى
كل اللى عملته انتقدت موقفه من عدم حضور القمه العربيه
اللى كل العرب كانوا حضرين فيها ع شان يحاولوا يشوفوا حال للوضع العربى المهين
طلع عليها اتباع الزعيم فى مصر و هددوها بقفل مدونتها و منعها من دخول ليبيا
ههههههههههههههههه
من دخول الجنه يعنى
و كمان الحكومه بتاعنا و قفت معاها لان مفيش عندنا اللى اسمه حريه الراى و لا التعبير و لا الكلام الحلو ده
المهم اللى انا عاوز اقوله
هو خلاص سياده المعمر
معدش بشر خلاص و معدش حد ينفع ينتقده
لا هو معصوم من الخطا و لا هو ربنا
هو بشر عادى و عادى اما نقول اى كلام احنا عوزينه و خاصه لما يكون موقفه مخيب
انا يمكن اكون بعذره لانه فى مشاكل مع السعوديه و خاف لحسن السعدويه تمنعه من دخول اراضيها حتى لو كان جاى يشارك فى القمه فبادر هو و قال انا اصلا مش هحضر
رد دفاعى يعنى
ع العموم اسبكم مع الجمهموريه الفاضله جمهوريه ايمان و اللى حصل لها
و للامانه انا نقله من احد المدونات
جمهورية إيمان
موضوع أو خبررأيت من واجبي أن أنشره و قد إختلف ناشطون و مدونون على
نشرة بناءا على رغبة صاحبة القضية التي أتفهم موقفها و أقدره و لا ألومها لرفضها الحديث و لكنني أتحدث الأن دفاعا عن حرية التعبير و كشفا للحقائق و فضحا لممارسات النظام الإرهابية أكتب عن تلك الواقعة تاكيدا و تسجيلا لها لان القضية تمس كل أصحاب الكلمة من ناشطين و مدونين إنها واقعة إغلاق مدونة "جمهورية إيمان" و القصة كما عرفناها من مدونة "أحمد المصري" بحب مصرو قد ذكر أن إيمان كانت قد تحدثت في مدونتها عن أن ليبيا أختارت الهوية الأفريقيةو تركت الهوية العربية و أستندت لذلك من تصريحات القذافي عنالقمة العربية و ترك مقعد بلاده فاضي و ذهابة موئتمرا أفريقيا و لاقت إيمان هجوما من بعض الليبيين و فؤجت بان امن الدولة يطرق بابها و يطلب منها الحضور لمديرية الأمن و أنها متهمة بسب ليبيا و ذهبت إيمان للمديرية و حضر ممثل السفارة و أخبرها انها ممنوعة من دخول ليبيا و ان عليها قضية هناك و ان ما حدث معها مجرد "شدة ودن" و بالفعل اغلقت مدونة إيمان.حاولت الإتصال بإيمان او الوصول إليها دون فائدة حتى وصلني رد منها أخيرا قالت إيمان فيه أن الموضوع بسيط و ميستاهلش و أنها لا تحتاج أي مساعدة و ان أمن الدولة كانوا كويسين جدا معاها و بالعكس وقفوا بجانبها حتى انها إندهشت من تلك المعاملة و انها لا تحتاج لأي مساعدة !!!!ثم طلبت إيمان صاحبة المدونة من أحمد المصري ان يلغي التدوينة الخاصة بما حدث لها من على مدونته و بالفعل قام احمد بإلغاءها و يبدو أن إيمان قد تم إرهابها و علمت ان الأمن يقوم بالإتصال بها للتاكيد على انها لا تتحدث لاحد و لم تتصل باي منظمات حقوقية لتحكي ما حدث لها و بذلك اخفى على الخبر مجور و نجا الامن و السفارة الليبية بفعلتهم و إيمان هي ثاني مدونة يتم إجبارها على غلق مدونتها بهذة الطريقة بعد هالة بطرس المعروفة ب هالة المصري المدونة القبطية المصرية التي اجبرت على غلق مدونتها في الصيف الماضيإيمان فتاة مصرية بتحب مصر أرادت فقط أن تعبر عن رايها فكان جزاءها الإرهاب و غلق المدونة ...ما وضعته إيمان في البروفيل الخاص بها :Imanalexandria, EGVery simple human believing in a very simple principals `always looking in the bright site of this life' interesting to do the oboist of life stand `Love to break the old habits and traditions `crazy about my friends' love my family `love Alex love Egypt
`hate mubarak
يا جماعة إيمان ده بجد حد محترم جدا وبيحب مصر جدا جدا جدا،
امبارح عبد المنعم والنهاردة ايمان بكره هايبقى مين فينا
هى نموذج للمدون المحترم الى بيعبر عن رأيه من غير شتمية ولا تطاول ولا حاجت من ده
مش عارف المطلوب مننا نعمل ايه ، بس لو كل واحد فينا كتب عن الموضوع ده فى مدونته هانفضح الى حصل ده ومايتكررش تانى

منتهى العدل

منتهى العدل و الحق ظهر اليوم فى محاكمه الفنانه حبيبه اللى كانت متهمه بقتل زوجها القطرى و اتحكم عليها بالسجن لمدة 10 سنوات

لكنها طعنت فى الحكم و قالت ان الظابط قام بتعذيبها

و فعلا الاستئناف قال كلمه

المحكمه قالت انها بريئه و ادانت الظابط اللى قام بتعذيبها و اجبارها ع الاعتراف كذب بقتل زوجها

المحكمه حكمت ع البلطجى ده ( الظابط ) ب 6 شهور مع ايقاف التنفيذ لمدة 3 سنوات و فصله من عمله لمدة سنه

يعنى ياخد راحه شويه ع شان يقدر يرجع تانى و يكمل تعذيب فى الشعب الغلبان منتهى العدل

طبعا الحكم اللى الظابط اخده ده ظااااااااااااااااااااااااااااالم

المفروض انه يتحاكم لسببين

اولا تعذيب مواطنه

ثانيا كان هيكون السبب فى انه يخلى وحده مظلومه انها تدخل السجن 10 سنوات

و يدمر حياتها كلها

انا مش فاهم ليه الظابط ده مش دخل السجن و كمان ليه مش اتفصل نهائيا من عمله

انا متهيا لى ان المحكمه

قالت اما نديله فرصه ع شان يتعلم ازاى يعذب من غير ما يسيب وراه ادله و الحكم اللى خده ده ع شان مش كان حويط كفايه و يتعلم ازاى يعذب من غير ما حد يعرف

ما انت مش تقولى انه بسبب تعذيبه للمواطنه و اجبارها ع الاعتراف كذب

و شكرا

طلب لخصخصة الشعب

طلب لخصخصة الشعب

زى ما الحكومه كل يوم عماله تبيع فى شركه من شركاتنا و الله اعلم الفلوس دى بتروح فين انا عندى اقتراح ع الساده الافاضل اللى

عمالين يبيعوا ممتلكاتنا اقترح عليهم انهم ينزلوا مناقصه يعرضوا فيها بيع الشعب و طبعا زى ما بيحصل مع الشركات لما بيجوا

يبعوها انهم بيطلبوا شروط معينه احنا كمان هنطلب شروط للى هيشتريناسواء كانت دوله او شركه

اولا / لازم الدوله اللى هتشترينا

تكون بتهتم بالمواطن بتاعها و بتعرف ازاى تجيب له حقوقه سواء فى البلد او بره يعنى منكنش ملطشه لكل من هب و دب يعنى منروحش ليبيا ع شان نلعب كورة ننضرب هناك و حكومتنا تقف تتفرج و لا واحد سعودى اسمه الامير ترك يجى بلدنا و معاه كلابه و يسيبهم ع الشعب الغلبان و برضه الحكومه تسكت عوزين حكومه تجيب لنا حقنا

ثانيا / وزارة البلطجيه اللى عندها اسف اقصد الداخليه تكون محترمه مش بيغتصبوا الرجاله قبل الحريم فى اقسام الشرطه و يكونوا منصفين لما واحد يروح يشتكى بلطجى منهم يجيبوا له حقه مش يعملوا تسليه لانه اتجراء و راح يشتكى الشرطين دول هما بس المطلوبين او بالاصح هم اهم شرطين

مع العلم ليس من الضرورى انها تكون دوله غنيه او ذات موارد احنا شعب اخد ع الشغل و الشقى و بنتلذذ بالشغل و الشقى بس اللى عوزينه حقنا و كرامتنا مش اكتر دى الشروط المطلوبه مين قال هات ؟

دى نهايه اللى بيدور على خير للبلد دى

دى نهايه اى واحد فاكر انه ممكن يعدل البلد دى
اليوم شهدت مصر محاكمتين وحده لمرتضى منصور و التانيه لمذيعه قناة الجزيرة هويدا طه
مرتضى منصور اللى مسك نادى الزمالك و طبعا لما مسك رئسته وجد فيه بلاوى و لما حب يكشف الفساد اللى فى البلد دى
الكل نهش لحمه لحد اما ودوه ورا الشمس
و اتحكم عليه بثلاث سنوات
طبعا محدش يوافق على اللى عمله مرتضى منصور
لما اتهجم على محمد نوفل
بس برضه دى نهايه كل واحد فاكر انه يقدر يعدل مصر
و المحاكمه التانيه بتاع هويدا طه مذيعه قناة الجزيره و اللى عملت برنامج و تسجيل وثائقى خطير عن التعذيب فى مصر و استعانه ببعض اللقطات المصورة داخل اقسام الشرطه من تعذيب للمواطنين
و اللى مش اتصور هى مثلته باشخاص و قالت هذه مشاهد تمثيليه و ليست حقيقه
المحكمه حكمت عليها ب 6 شهور و غرامه 10000 جنيه
و ده فى تقديرهم لانها اذاعات مشاهد تسىء لمصر
طيب ما احنا بايدينا نمنع المشاهد دى
لما نمنع التعذيب
و لا احنا نعذب و مش عوزين الناس تقول اه والله و انا بتفرج على حالة الشاب اللى كسروا له ايهد و خلوه عاجز كنت بغلى و لا لما اتفرجت على عماد الكبير
هما فعلا عوزين يعذبوا الناس و الناس تصفق لهم و يقولوا لهم كمان
انا غير متفق مع هذا الحكم

فالتسقط نقابه المعلمين و ليسقط نقيب المعلمين

فالتسقط هذه النقابه الكاذبه و اللى بيدعوا فيها انهم بيجيبوا للمعلمين حقوقهم المنهوبه

بس ازاى هيجيبوا حقوهمه المنهوبه اذا كانوا هما اللى نهبنها

بس قبل اى كلام عاوز اوضح لكم ان بقول ليه تسقط نقابة المعلمين

اولا و على غير العاده هذه هى النقابه الوحيده اللى نقييها من قياديين الحزب الوطنى

( و احنا عرفين طبعا الحزب الوطنى لما بيحط

منخيره فى حاجه بيجبها الارض طبعا ) فنقابة المعلمين مره كان نقيبها رئيس مجلس

الشورى و مرة قيادى من قياديين الحزب الوطنى

الحاكم

و اللى يقرأ الكلام ده يفرح و يقول مدام نقبها قيادى من الحزب الوطنى او رئيس مجلس

الشورى كده تكون خير للمعلمين انا اقول له

انسى ده احنا فى مصر و مدام فيها الحزب الوطنى يبئه ضد المعلمين و مع الحكومه

ثانيا النقابه المزعومه هذه المفروض انها تجيب للمعلم حقه

بس للاسف دى بتقف ضده طبعا احنا مش نسيين حادثة المعتوه وزير التعليم السابق

حسين كامل بهاء الدين و هو طبعا لا بهاء و لا

حاجه ده كان هباب

و الحادثه لما راح مدرسه فقيره الوزير نفسه مش بينفق عليها و وجدها مش كويس و

فقيره و شتم المدير امام الطلبه و المدرسيين

و طبعا المدير رد

نزلوا عليه البلطجيه اللى معاه اللى اسمهم بودى جارد بضربه لحد اما سببوا له

ارتجاج فى المخ

و كان المفروض ان النقابه تقف معاه بس طبعا لانها حزب وطنى و لان الوزير حزب

وطنى جابوا الحق على المدير

و طلع هو اللى غلطان و عليه الحق كمان

لكن لو ده حصل مع نقابه الصحففين او المحاميين كانوا ودوا الوزير ده ورا الشمس

و برضه مش عارفه تجيب حقوقهم من اللى بيقولوا عليه كادر خاص للمعلمين

و لا هتعرف تعمل حاجه طاما النقيب حزب وطنى

ثالثا على غير العاده خالص

المفروض ان كل خريجى الكليات التابعه للنقابه يكونوا اعضاء فيها

الا هذه النقابه الفاشله

فخريجى كليات التربيه لا يكونوا اعضاء الا لو تم تعينهم حتى المتعاقدين ليس لهم الحق

فى الانتساب لهذه النقابه بجد انا مش فاهم ليه

يا سياده النقيب مفيش تعينات و طبعا مفيش انضمام للنقابه

ليه انتم مش زى نقابه المحاميين او التجاريين او العلميين لو الصحفيين او نقابه

يحق لخريج الكليه انه ينضم ليكم

بس فى الاخر الغلط مش على النقابه الغلط على المدرسين الجبناء اللى بيخافوا يقولوا عوزين حقوقنا لحسن تنقلوهم او ترفدوهم

يعنينى غلابه

بس لا حول و لا قوه الا بالله

و حسبى الله و نعم الوكيل فيكم و فى كل اللى مش عاوز خير للبلد دى و اللى عاوز يكوش على كل حاجه لوحده

امير المخبرين

قرأت احدى الخواطر السياسيه للشاعر العظيم الشاعر الساخر احمد مطر

بيحاول يوصف فيها اد ايه بلادنا اتملت بالمخبرين

بس للاسف بدل ما بيحرسونا دول بيعذبونا و كمان بيسرقونا

على شان مش اطول عليكم اسبكم مع الخواطر

و اللى بعنوان

أمير المخبرين

تهت عن بيت صديقي، فسألت العابرين ،

قيل لي امش يسارا، سترى خلفك بعض المخبرين ،

حدد لى أولهم ،و قال سوف تلاقي مخبرا يعمل في نصب كمين،

اتجه للمخبر الاول، أمام المخبر الكامن،

واحسب سبعة ، ثم توقف،

تجد البيت وراء المخبر الثامن في أقصى اليمين ؛

سلم الله أمير المخبرين ،

فلقد أتخم بالأمن بلاد المسلمين ،

أيها الناس اطمئنو، هذه أبوابكم محروسة في كل حين ،

.فادخلوها بسلام آمنين

عندى كلمتين

عندى كلمتين عاوز اقولهم بخصوص موضوعين
الموضوع الاول بخصوص رئيس الجمهموريه السيد محمد حسنى مبارك
و الموضوع التانى بخصوص التوريث للسيد جمال مبارك

نخش فى اول موضوع
عن السيد حسنى مبارك
اولا مبارك واحد من اهم قاده الحرب اللى كان له الفضل الكبير ( بعد ربنا طبعا ) فى نجاح اول طلعه جويه فى حرب اكتوبر 73 و اللى من خلال الحرب دى قدرنا نستعيد عزتنا و كرامتنا و كمان ارضنا و محدش ينكر الدور اللى كان سلاح الطيران بيلعبه فى تامين الجنود و عبورهم بسلام لاهم مانع الا و هو قناة السويس
ثانيا تولى مبارك حكم مصر
و زى ما انا بقول و فى رائى ان مبارك كان مستلم مصر خربايه لا كان فيها طرق و لا تليفونات و لا كهرباء
مش كده و بس ده حتى كانت العلاقات الدوليه بايظه خالص لا كان فيه علاقات عربيه و لا حتى بعض الدول الاوربيه زى روسيا
و بضل الله و مجهودات مبارك تم استعادت هذه العلاقات مرة اخرى
و مصر بئت عروسه
و بئت شويه حلوه و التليفونات دخلت حتى فى العزب و كمان الكهربا و الطرق و الكبارى كل ده انجازات لا نستطيع ننكرها
بس ع الجانب الاخر فيه مجموعه كبيرة من الاخفاقات
و من اهمها
اولا و قبل كل شىء الفقر و الفقر و الفقر و الفقر
ثانيا الفساد اللى كان فى عهد السادات و ناصر مش زى الان ابدا الان الفساد استفحل و بئت الرشاوى عينى عينك و كمان بتنطلب بالبق ( الفم )
و مش كده و بس دى كمان المحسوبيه انتشرت اوى و كمان وصلت العدوه للدول العربيه ( صدرناها ) يعنى
يعنى زى ما فيه انجازات فيه اخفاقات
و انا عندى بعض الطلبات للسيد مبارك اتمنى انه يخدها فى الحسبان
اولا و قبل كل شىء الاهتمام بالوضع الاقتصادى للبلد و تحسين مستوى الدخل هتقولى ازاى احنا معندناش موادر هقول لك لاء احنا عندنا بس لو قضينا على الفساد و السرقه بتاع الكبار هنكون دوله بموادر
ثانيا نفسى نكون كلنا ادام القانون واحد و نلغى كلمه انت متعرفش انت بتكلم مين ؟
يعنى لو وزير او خفير يكونوا ادام القانون واحد هتقولى ما ده موجود هقول لك ده ع الورق بس
الاقسام بتاع الشرطه مش بتقدر غير على الغلابه بس نفسى بجد نكون زى بريطانيا تونى بلير زيه زى اى واحد امام القانون و فى اقسام الشرطه
اخيرا اللى بتمناه نبطل التعذيب اللى فى اقسام الشرطه و نعامل المواطن باحترام فى القسم
ده بخصوص السيد محمد حسنى مبارك
اما بخصوص جمال مبارك
فانا بقول انه مش وحش و كمان مش كويس احنا لسه مش شفنى منه حاجه رسميه بس بالرغم من كده انا واحد من الناس اللى برفض فكرة التوريث لجمال مبارك لان مصر مش ملكيه مصر جمهوريه يعنى مينفعش انى جمال يجى بالتوريث
هو لو عاوز يجى يجى يالانتخابات ( اللى غالبا ما هتتزور ) و للاسف
انا عاوز تكون الفرص ادام جمال متساويه مع غيره من الشباب و المواطنين
و مش عوزين نعيد تجربه سوريا
اصل لو جمال هو اللى جه كده هيكون هيثم ابن جمال هو اللى هيمسك بعده
و تتحول مصر لملكيه
ع العموم انا ببعت برقيه تهنئه لجمال بمناسبه عقد قرانه اليوم
و شكرا
ملحوظه لو فى اى اخفاقات انا نستها او اننجازات نستها برضه او زدتها ممكن تقولى و تشرفنى بتعليقك

نكت سياسيه

بعد الغم و التعذيب و الفقر و التوريث و الاوضاع السياسيه المؤرفه تعالوا معى نضحك شويه

نـــــــــبـــــــــــــدأ

موظف راح يدى صوته فى الانتخابات فاختار لا وهو مروح قابل واحد صاحبه فسألو عملت ايه ؟ قاله علمت على لا لطم صاحبه وقاله روحت فى شربة ميه فسأله الموظف ايه الحل ؟ قاله ارجع بسرعه وصلح اللى كتبته واكتب نعم رجع الموظف لرئيس اللجنة وقاله :-جيت اعلم على نعم غصب عنى علمت على لا مسكه رئيس اللجنة من ودنه وقالهاحنا صلحناه لك اوعى تعمل كده تانى ههههههههههههههههههه

من الرئيس المصري هيثم جمال مبارك ابن الرئيس السابق جمال مبارك وحفيد الأسبق حسني مبارك.. أهنئكم بشهر رمضان المبارك

وأطمئنكم أن السلطة في مصر لم ولن تورث.. وكل عام وأنتم بخير".

انة فى مؤتمر صحفى فى مصر قام احد الصحفيين ووجة سؤال الى الرئيس مبارك وسألة هل يا سيادة الرئيس انتهيت من خطبة الوداع للشعب المصرى ام لا ؟ فقال الرئيس مبارك وداع ؟ ليه هوة الشعب المصرى رايح فين

اقر الرئيس تعديل وزارى و عزل بعض الوزراء و جاب ناس تانين فسـأله واحد من المعزولين انت ليه شلتنى قاله يا حبيبى التغير سنه الحياة قاله و ليه شلت وزير المواصلات قال له التغير سنه الحياة قال له "طيب ممكن أسالك سؤال؟ ليه انت الوحيد اللي ما بتتغيرش؟" قال له "ياحبيبي تغييركم انتم سُنة لكن أنا وجودي فرض ....!!!؟

أن تعطى أبنك موبايل فأنت لطيفوان تعطى أبنك سياره أنت كريم وان تعطى ابنك بلد وشعبا ليلعب بها هوا وأصحابه فأنت مبارك

دكتور عربى و دكتور ياباني و دكتور أمريكي ف مؤتمر عن زراعة الأعضاء الأمريكي قال "احنا كان عندنا ف أمريكا واحد ما بيشوفش جبنا قطة و دبحناها و خدنا عنيها و زرعناهم للراجل". اللي واقفين قالوله: "ياااه؟ و بيشوف كويس؟" قال لهم "يوووه ده بيشوف اللي ورا الشمس دلوقت!" قام الياباني قال "احنا كان عندنا واحد كبده تعبان فجبنا قطة و دبحناها و خدنا كبده و زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم الزلط دلوقت" العربى قال "إحنا بقى كان عندنا واحد مخه بايظ رحنا شيلنا مخه و حطينا بداله جزمة" قالوله "إيه؟؟ مش ! و لسة عايش؟" قال لهم" ده رئيس وزرا عندنا دلوقت

ماهى موصفات الحاكم العربى ؟

-طول النفس (لا أنه هيقعد فى الحكم 898989سنه

البرود ( عشان يطلع للشعب كل شويه بتصريحات ورديه

العته (عشان يصدق قراراته التاريخيه الحكيمه

الخشوع (لزوم التصوير ساعة صلاة العيد

كلمات اغنية مسلسل الوسيه

كنت بكلم صديق عزيز عليه ع النت و تعرفت عليه من خلال المدونات و بصراحه ادانى هديه جميله و الهديه كانت عباره عن اغنيه الوسيه ( طبعا فكرين المسلسل الكئيب ده ) بس بالرغم انه كئيب جدا بس كان بيصور فترة من افظع فترات مصر من الزل و الفقر و الاهانه ( زى الايام دى شويه )
انا حبيت انقلها لكم و للحكام و يا ريت يعرفوا ان الناس فعلا سواسيه
و يعاملونا بادميه اكتر من كده شويه
الاغنيه كلمات الشاعر سيد حجاب
تلحين ياسر عبد الرحمن غناء محمد الحلو
اسيبكم بئه مع كلمات الاغنيه الرائعه

المقدمه:
مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

جاينا الحياه زي النبات أبرياء
لا رضعنا كذب و لا أتفطمنا برياء

جاينا الحياه زي النبات أبرياء
لا رضعنا كذب و لا أتفطمنا برياء

طب ليه رمانا السيف علي الدين
و كيف نوجهوه غير بالصدق و الكبرياء

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

عيش يا ابن ادم بكر زي الشجر
موت و انت واقف زيوه مطرحك

عيش يا ابن ادم بكر زي الشجر
موت و انت واقف زيوه مطرحك

و لا تنحني لمخلوق بشر او حجر
و شب فوق مهما الزمان جرحك

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

مين اللي قال الدنيا دي وسيه
فيه عبيد مناكيد و فيها السيد
سوانا رب الناس سواسيه
لا حد فينا يزيد و لا يخس أيد

النهايه:

و تستمر الحياة بين ابتسامه و آه
فيها اللي جهله هداه و اللي ضميره هاداه
و تستمر الحال بين ابتسامه و آه
فيها اللي جهله هداه و اللي ضميره هاداه

و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه

و كل ضيقه بعدها وسعه
و اهي ديه الحقيقه بس منسيه
و كلنا ولاد تسعه و بنسعي
و ديه مش وسيه الناس سواسيه

و تستمر الحال بين ابتسامه و آه
فيها اللي جهله هداه و اللي ضميره هاداه
و تستمر الحال بين ابتسامه و آه
فيها اللي جهله هداه و اللي ضميره هاداه

لملم جروحك يا حزين و أمشي خطوه كمان و تخف الآمك
و أحلم بعين صاحيه و لا تنامشي غير لما تقطف زهر أحلامك

تعالوا نضحك شويه

بعد الغم و التعذيب و الفقر و التوريث و الاوضاع السياسيه المورفه تعالوا معى نضحك شويه انا عارف ان كتير منكم ممكن يكون شاف الفديو ده قبل كده بس اهو تذكره و اللى مش شافه يجى يشوفه معايه

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
ههههههههههههههههههه

مش قلت لكم ان قانون الوظيفه الجديد مصيبه سودا ؟

ظهرت مصايب القاون الجديد اهه زى ما انا توقعت من اول يوم سمعت فيه سياده الوزير بيتكلم فيها عن القانون ده

و اول ملامح مصايب القانون ده ظهرت مع المدرسين اللى شغالين يالتعاقد

فقد اخذ محافظ الغربيه قرار بيقول فيه ما يلى

على كل المدرسين المتعاقدين انهم يعلموا خمسه ممن لا يعرفوا القراءه و الكتابه ( خمسه من الاميين ) و اللى مش هيعمل كده بالسلامه و

يفسخ معاه التعاقد

طبعا الزعل مش من انهم يزيلوا اميه حد و انما الزعل من التهديد اللى بيقوله سياده المحافظ

ما هو خلاص كل ما يعوز حاجه هيعمل كده و اما ان المتعاقدين ينفذوا اوامر سيادته او انه يفسخ التعاقد

بالزمه ده اسمه كلام

اللى متعرفوش يا سيادة الوزير انت و سيادة المحافظ ان فيه شباب الان فتحين بيوت اعتمادا عاى الله و على الدخل اللى بيخش لهم من

التعاقد ده

فى حاجه اسمها الثواب و العقاب ممكن اوى قرار زى ده يطبق ع كل الموظفين و اللى هيستجيب يكون له حافز و اللى مش هيستجيب يكون

له عقاب

و انا بقول عقاب مش طرد من العمل

و كل ده بفضل قانون الوظيفه الجديد اللى سيادة الوزير عاوز يطبقه

بفعل القانون ده

حتلاقى كتير من البلاوى و الرشاوى و الفساد

ما هو ع شان احافظ ع العقد بتاعى لازم اصبح كل يوم ع المدير بهديه حلوه ع شان يرضى عنى لانى لو مش وافقت هيقطع عيشى

مش كده و بس دا انا خايف ان فى مره من المرات المدير يطاع عينه زيغه و يطلب حاجه مش اخلاقيه من البنات المتعاقدات او حتى من

الرجاله المتعاقدين انهم يظبطوا له قعده حلوه مع اى حد

انا بقول اى حد حتى لو كانت من حريم المتعاقد نفسه

و لو مش رضى هيقوله بالسلامه

يعنى من الاخر هنكون زى حمدى احمد فى فيلم القاهره 30

ارجوكم يا شباب و يا مصرين فوقوا و قفوا فى وجه هذا الوزير و هذا القانون

الف مليون مبروك للمصرين 126 مليون دولار

الف مبروك للشعب المصرى
عثرت الحكومه المصريه فى ميناء القاهرة ع شنطه فيها 126 مليون دولار
و الشنطه لم يكن لها صاحب و الفلوس مش مزوره
و امرت الحكومه المصريه بايداع الفلوس فى خزينة الدوله
السؤال الان
يا ترى ما هو مصير هذه الفلوس ؟
هل سوف تقسم على الكبار ( كالعاده ) و لا هيكون للشعب الغلبان نصيب ؟
كده او كده برضه الف مبروك للمصريين
ابسط يا عم بطرس
فلوس جات للدوله اهه من غير ما تبيع شركه و لا ترخص لشركه محمول و لا حاجه
يالله قسموها بئه
لو جينا نحسبها كده و نشوف
هنلاقى ما يلى / 126000000 دولار ( 126مليون دورلار ) فى خمسه جنيه مصرى يكون الناتج 630 مليون جنيه مصرى
و احنا عددنا 75مليون واحد لو الحكومه تدى لكل واحد مليون جنيه بس
و هما يخدوا الباقى نكون شاكرين لهم اوى
بس مين اللى يعمل كده ؟

مصر و موريتانيا فى النهائى

بالصدفه البحته كان القدر مرتب اغرب و اعجب تنافس
التنافس كان بين مصر و موريتانيا سواء فى الرياضه او فى السياسه
الرياضه كان فى كرة القدم تنافس لبطولة الامم الافريقيه
و حصل اللى كان متوقع يحصل و مصر كسيت 3 / صفر و الحمد لله
و كمان كان فيه تنافس من نوع تانى بس فى السياسه
تنافس كان على الانتخابات الحرة و النزيهه
موريتانيا كان عندها انتخابات رئاسه و مصر كان عندها تعديل الدستور
و طبعا حصل اللى كان متوقع انه يحصل
فى موريتانيا كان فيه انتخابات حره و نزيهه و طلعت النتيجه زى ما الشعب عاوز
اما فى مصر حصل برضه اللى هو متوقع بس اللى متوقع عندنا غريب شويه
ان الانتخابات مش حرة و لا نزيهه
و النتيجه عمرها ما كانت و لا هتكون زى ما الشعب عاوز
هتكون بس زى ما الحزب الوطنى عاوز
حتى لو المعارضه كلها قالت لاء و الشعب قاطع و الشعب رفض
لكن اللى الحزب عوزه هو اللى هيكون
للاسف الحكومه بتاعنا فكرين ان احنا مش بنفهم و انهم بس اللى بيفهموا ع شان كده فكرين انهم بيعملوا لمصلحتنا
الموقف ده فكرين بموقف الحكومه الفرنسيه من قانون العمل عندما اراد ساركوزى تطبيق القانون و كان شيراك موافق و بيدافع عنه
و لكن بما ان الشعب رفض كان على شيراك انه يتخلى عن موقفه
و الغى القانون
عقبال مبارك يا رب
اما يثق فى الشعب و فى رئيه حتى لو مرة
مش يكون فاكره انه و حزبه هما الصح ديما

تم كتابتها يوم 26 مارس 2007

اسلق اسلق طلسق طلسق بوظ بوظ

اسلق اسلق طلسق طلسق يوظ بوظ
ضربوا الاعور على عنيه قال ما هيه بيظه بيظه
تم تلسقت موضوع التعديلات الدستوريه ( زى ما فى كتير عندنا فى البلد بتتلسق
و البرطمان اسف البرلمان وافق ع التعديلات الدستوريه لان الحزب الوطنى وافق و مدام سيادة الحزب عاوز حاجه لازم تتم
بغض النظر المعارضه عوزين ايه
و ال ايه عوزين الحكم يكون الشعب
و هيعملوا حاجه اسمها استفتاء ع شان يخدوا رئى الشعب
اللى طبعا النتيجه هتكون بالموافقه لان التزوير شغال ع ودنه
هيكون الاستفتاء اتمنى ان يكون حر و نزيه و يطلع زى ما الشعب عاوز مش زى ما المعارضه عوزه

الف تحيه للشرطى الهمام

فى استمرار مسلسل المهازل المصريه تم الحكم على شرطى مصرى ستة اشهر تعرفوا ليه ؟
مش على شان سرق فلوسنا و هرب و لا على شان نزل فى السوق اكياس دم ملوثه و لا حتى على شان غرق العبارة
لكن اتحكم عليه على شان رفض حراسة سفارة اسرائي فى القاهرة
شفتوا بئه حكومتنا عندها مين اهم
طبعا اسرائيل و مصالح اسرائيل لكن الشعب الغلبان طظ فيه ده منطق الحكومه المبجله
تم كتابتها يوم 25 فبراير 2007

ع شان كده لازم نصفق كلنا لهذا الشرطى ونقف معاه

اثبات فشل الحكومه المصريه

زى ما فيه حاجات كتير فاشله فى مصر و بايظه كمان البوظان و الفشل وصل لوزارة الداخليه المصريه و اللى مش مصدق الدليل اهوه
اين عمو السفاح ؟
هل ادرت وزارة الداخليه المبجله انها تمسكه او على الاقل تعرف بيانات عنه
مازال عمو السفاح طليق حر ( بيريح له يومين ) و هيرجع تانى يخوف اهل المعادى و يمكن يكون زى انفلونزا الطيور هينتشر فى كل مكان
ما هى برضه وزارة الصحه فاشله

هى كمان و الدليل اكياس الدم الملوثه و عدم القدرة على السيطرة على انفلونزا الطيور و مش بس كده ده اصبح اكثر شراسه يبئه لازم نتعلم الاول ازاى نسيطر عليه

و هنتعلم ازاى اذا كانت وزارة التربيه و التعليم هى كمان فاشله

مفيش حقوق للمدرسين و الة ادب من الطلبه و مفيش تعليم يبئه الحل فى وزارة الاعلام بس كان نفسى اقول

وزارة الاعلام بس افتكرت هاله سرحان و كدبها على المصريين و كمان الخلاعه و الة الادب اللى بتيجى فى التليفزبون كده تكون هى كمان فاشله

معدش ادامى غير وزارة الاوقاف بس سيادة الوزير مش بيعترف بالنقاب و بيقول عليه مش اسلامى يمكن السرة اللى باينه هى اللى اسلاميه كده
انا تعبت من كتر فشل الوزارات كده يبئه مفيش غير ان الحكومه تمشى و تستقيل و ترحمنا و يجيبوا ناس بيفهموا