السبت، ٦ سبتمبر ٢٠٠٨

محاكمة جبل المقطم

صرح وزير الداخلية المصري بأنه سيتم محاكمة جبل المقطم وذلك لأنه السبب في مقتل عشرين مواطن

واصابة العشرات وبعد مرور عامين من محاكمته تبين أن الجبل عضواً بالحزب الوطني لذلك تمت تبرئته

والحكم بالغرامة والسجن للمصابين والمتضررين لوقوفهم أسفل الجبل مما أدى إلى إزعاج الجبل

وانهياره فوقهم

قلم
محمد مارو

هناك ١٨ تعليقًا:

ريمان يقول...

هههههههههههههه


ما انت عارف يا مارو

البلد بقت ماشيه بالمقلوب

هههههههه

حسن حنفى يقول...

عثل يا مارو والله

للاسف ده بجد الجبل لو مخلوق يتحاسب

كان هيكون ده سيناريو الحساب

:(

رامز عباس يقول...

هههههههههههههههههههههههههههههههههههههه


حرام عليك يابني


انت خليت جبل المقطم حزب وطني كمان


لا يا معلم ده طلع شيوعي بحزب التجمع



تبعنا



المهم كل سنه وانت طيب


علي فكرة


ياريت تنورنا بعد متقري البوست بتاعي

ميرا ( وومن ) يقول...

مارو

ده تهريج ازاي الناس الوحشة دي تزعج الجبل

بيهرجوا دول ولا ايه ده جبل وكمان حزب وطني

عموما اهو القانون اخد مجراة

تحيا الكوسة

حمادة زيدان يقول...

مارو حبيبي

دمك زي العسل بجد وحولت الكارثة الكبيرة موقف كومدي حزين زي كوميديا نجيب الريحاني الله يرحمه ... والله الواحد ممكن يضحك ويبكي على حال البلد اللي أنحدر وأصبح في أسفل السافلين

تحياتي يا جميل

ola_barakat يقول...

محمد مارو :
اصل الجبل كان تعبان شويه قام حب يريح وكان المفروض ان الناس تسيبه يرتاح مش تقف في طؤيقه اصلا
وبعدين حكومتنا فل الفل وكل الحكومات العربيه فل الفل احنا اللي مش عارفين نتحكم بصراحه

ابو النجوم يقول...

مارو
اللى ميقدرش على الحمار يتشطر على البردعه . مثل شعبى

مدحت محمد يقول...

طب الحمد لله

انا كان صعبان عليا الجبل اوى

ابن رشد يقول...

يا عم اية الاحباط دة كله ربنا مع اهالي المقطم

غير معرف يقول...

ههه ههه ههه ههه ههه ههه ههه

ظريف اوي وبتعرف تنكت
حتي في دي دمك زي ؟؟؟؟؟؟؟
انت عارف بقي زي ايه
بس اوي تقلي زي العسل
يبقي انت مفهمتش قصدي

تحياتي يا ظرررررررررررررررررريف

بنت الاسلام يقول...

مابقاش في كلام الواحد قادر يقوله

يامارو


تحياتي

خالد فوده يقول...

ههههههه
عثل يامارو
طب لو مش حاكمنا الجبل مين اللي نحاكمه
اوعي تقولي المسؤلين ده حتي تبقي عيبه
****************************
كلمه أخيره للشخص الغير معروف
انت غلس اوي ومش راجل لو بجد شجاع
اظهر نفسك
بلاش الاستقصاض ده ياعم عيب عليك
احنا في رمضان
واللهم اني صائم

تلميحاتى - يوسف الشافعى يقول...

الجبل اتهبل من اللى شافه
وثار ثورته على الغلابه
ليه ياجبل ودول مالهم
قال لانهم داأواا الظلم همه وعيالهم
سنين وفضلوا راضيين
بس دول مساكييين
قال مشكلتهم انهم مع كل ده وساكتين
وعملوا زى اهل السبت وعلى القانون الالهى مُتاحيلين ساكتين نايمين وبالظلم راضيييين

احمد الجيزاوى يقول...

اولا كل عام وانت بخير
ثانيا عندك حق المقطم هو اى غلطان الزاى يقع على دماغ الناس من غير ميستازن
تحاتى يا وحشنى
احمد الجيزاوى

Hossam يقول...

hahahahahahhahahahahahha
ur ironic tone is pretty awesome
بس لو بصينا من ناحية تانيه
مش يمكن يكونوا الناس فعلا غلطانيين
اقصد انهم ممكن يكونوا كانوا عارفيين ان فى حاجة خطر بس زى كل المصريين مش بيكلموا الا بعض خراب مالطا؟
معرفش الصراحة بس انا بجد حزين على اللى حصل ده
وعلى فكرة زعلان منك جدا عشان مش بقيت تعدى عليا ولا حتى بسلام
شكرا اوى
سلام يا حبى

بنت القسام يقول...

هههههههههه
دنيا بقه تقول ايه
تحياتى

غير معرف يقول...

يدعوكم اتحاد المدونين المصريين الى مساندة ودعم زميلنا العزيز

الاستاذ

خالد الصاوى

صاحب مدونة

منارة العرب

فى محنته المرضية التى يمر بها ..

لمزيد من التفاصيل برجاء زيارة مدونة الاتحاد

sun_of_freedom يقول...

طب في دا افش غلي ازاى

او هتكلم ازاى

فى ارواح الناس الى راحت يا مارو


طب احتيال ونصب على القانون وسرقه عينى عينك وتشريد وبهدله واتعتقال وسوء تغذيه وازمة مواصلات واسعار وكله وبنستحمل

طب ارواح الناس دى فى طاقه اكبر من كدا استحمال نسكت على الظلم دا

والله لو كنا بركان ثورى لانفجر



لنا الله


وحسبنا الله ونعم الوكيل


ولكن عنا قريب سيتم فرج الله

فى هذا الحكم

فيقول ( وإنما نملى لهم ليزدادوا إثما )


( وما الله بغافلا عما يعمل الظالمون وستردون إلي عالم الغيب والشهادة فينبئهم بما كانوا يفعلون )

دمت سالم وتحياتى لك